ഗായത്രി - 1973
പാടിയത് – കെ ജെ യേശുദാസ്
സംഗീതം – ദേവരാജൻ
എഴുതിയത് - വയലാർ രാമവർമ്മ

തങ്കത്തളികയിൽ പൊങ്കലുമായ് വന്ന തൈമാ‍സ തമിഴ് പെണ്ണേ
നിന്റെ അരഞ്ഞാണച്ചരടിലെ ഏലസ്സിനുള്ളിൽ ആരെയും മയക്കഉന്ന മന്ത്രമുണ്ടോ
അനംഗ മന്ത്രമുണ്ടോ..
മുങ്ങിപ്പിഴിയാത്ത ചേലയും ചുറ്റി നീ മുടിയുലമ്പിക്കൊണ്ടു നിന്നപ്പോളിന്നു
മുഖമഒന്നുയർത്താതെ നിന്നപ്പോൾ..
പദ്മതീർഥത്തിലെ പാതിവിരിഞ്ഞൊരു പവിഴത്താമരയായിരുന്നു
കടവിൽ വന്നൊരു നുള്ളു തരാനെന്റെ കൈ തരിച്ചു.. കൈതരിച്ചു … (തങ്കത്തളികയിൽ)

പുലരിപ്പൂമുഖമുറ്റത്തു കാലത്ത് പുറം തിരിഞ്ഞിന്നു നീ നിന്നപ്പോൾ
നീ അരിപ്പൊടിക്കോലങ്ങൾ എഴുതുമ്പോൾ
അഗ്രഹാരത്തിലെ ആരും കൊതിക്കുന്നരഴകിൻ വിഗ്രഹമായിരുന്നൂ
അരികിൽ വന്നൊരു പോട്ടുകുത്താൻ ഞാനാഗ്രഹിച്ചു ആഗ്രഹിച്ചൂ
(തങ്കത്തളികയിൽ)

തുളിമ്പും പാൽക്കുടം അരയിൽ വെച്ചു നീ തൊടിയിലേകാകിയായ് വന്നപ്പോൾ
നിന്റെ ചൊടികളിൽ കുങ്കുമം കുറ്റിരുമ്പോൾ
നിത്യരോമാഞ്ചങ്ങൾ കുത്തുന്ന കുമ്പിളിൽ നിറയെ ദാഹങ്ങളായിരുന്നു
ഒരു പൂണൂലായ് പറ്റിക്കിടക്കാൻ ഞാൻ കൊതിച്ചു നിന്നൂ കൊതിച്ചു നിന്നൂ
(തങ്കത്തളികയിൽ)